Sons de Nós con Víctor Aneiros 21 de marzo de 2025

Músico autodidacta e heterodoxo, así o definen nas referencias xornalísticas, comezou nos anos 80 tocando en distintas bandas e no ano 1999 decídese a iniciar unha carreira en solitario coa Víctor Aneiros & Blue Notes, e algúns anos despois, no 2003, forma Víctor Aneiros Band pero as colaboracións con outros músicos están presente en toda a súa carreira. O galego presente na súa creación que é unha constante dende aquel “Blues do amencer” que foi o seu primeiro traballo integramente en galego e que o confirma como pioneiro na súa utilización no blues. Presente tamén sempre presente está a poesía, a de Rosalía, Pimentel, Curros ou a do eumés Ramiro Fonte a quen coñeceu e foi protagonista doutro dos seus traballos, “Brétemas da memoria”. A poesía imprescindible na obra musical de Aneiros. Con nove discos editados, Víctor Aneiros tense gañado, ao xuízo de crítica e público, ademais do seu máis que evidente talento, é a súa coherencia musical e artística, e iso, nos tempos que corren, non é pouca cousa. Víctor está en plena xira aniversario, 25 anos nos escenarios compre celebralos, unha sorte para nós, que poderemos desfrutalo nos escenarios máis unha vez.