تأثير الحرب في الشرق الأوسط على أسعار السلع والوقود في مصر

مع تصاعد الحرب في الشرق الأوسط… لم تعد تداعياتها بعيدة عن حياة المصريين.
ففي الأسواق ومحطات الوقود بدأت آثارها تظهر بوضوح على الأسعار وتكاليف المعيشة.

ما فيش تلات أربع تيام. الحاجة بسعر تطلع بسعر تاني. يعني قوطة بعشرة دلوقتي بقت بعشرين و30. يعني حاجة خيار بتلاتين كوسة باربعين لا الاسعار يعني نطقت التلات تربع بالظبط.

كما أثرت زيادة أسعار المنتجات على التجار أنفسهم كما يقول الحاج رمضان:

طول ما الحاجة بتغلى انت ما تشتغلش. ما هي بتغلى في كل حاجة. البنزين ساعات بيغلى واول غاز او الدولار او الكلام ده كله بيرفع الاسعار كلها. من اللي مسلا اي حاجة ان انت مثلا بتبقى حاطط يناسبك لنفسك نسبة نسبة غصب عنك بتقل.

وعلى بعد كيلومترات يتكرر المشهد أمام محطة وقود حيث تصطف السيارات ويتحدث السائقون عن الزيادة الأخيرة في أسعار البنزين، أحمد واحد منهم:

أنا بالنسبة لي بالنسبة لي عربيتي انا كنت دلوقتي مثلا باحط بنزين بمبلغ معين المبلغ ده زاد تلاتين واربعين في المية. طبعا لها تأثير كبير. انا باتحرك هبدأ اتحرك مش اقدر اتحرك زي الاول. انا دلوقتي بقيت بحسب المشوار. هل المشوار ده هييجي معاك او مش هييجي؟ انت تقدر دلوقتي لازم مش هتقدر تتحرك زي الاول.

هالة موظفة وأم لثلاثة أطفال تتساءل كيف ستدبر تكاليف المواصلات اليومية:

بصراحة أزمة كبيرة يعني أنا بركب مواصلات وابني بيركب مواصلات تقريبا. يعني كان اول حاجة الاسعار معقولة دلوقتي الميني باص اي ميني باص اي تاكس اي اوبر. معلش طبعا تلاتة لأ صعبة بصراحة وعليها طبعا هيترتب ان كل حاجة على النقل هتزيد. الحاجة اللي كانت بعشرين هتبقى باربعين والتجار طبعا مستغلين الفرص.

ويرى مراقبون أن تأثير الحرب بدا على الاقتصاد المصري بوضوح من تراجع العملة إلى تحريك أسعار الوقود، ومخاوف من ارتفاع أسعار الغذاء، كما يوضح الخبير الاقتصادي الدكتور محمد أنيس:

طبيعي إن معدل التضخم هيرتفع بعد رفع أسعار المحروقات وبعد رفع سعر الدولار، وبالتالي قراءات التضخم ممكن يحصل فيها زيادة ما بين ثلاثة الى خمسة في المية كأثر مباشر لهذه التغييرات.

ويحذر محللون من اتساع التأثير إذا طال الصراع الممرات البحرية ونقل البضائع، بحسب الدكتور حسن سلامة المحلل السياسي:

التهديد بإغلاق مضيق هرمز بالتأكيد سيؤثر على سلاسل الإمداد، وعلى يعني توافر الطاقة، باعتبار إنه نسبة كبيرة من إمدادات الطاقة تمر عبر هذا المضيق. في نفس الوقت. حالة التوتر دي ستؤثر على حجم الاستثمارات العربية في العديد من الدول هتأثر على العملات الوطنية خصوصا في مصر. إحنا شهدنا ارتفاع للدولار في مقابل الجنيه.

بين متابعة الحكومة لتطورات أسواق الطاقة يبقى القلق الأكبر لدى المواطنين من انعكاسها على حياتهم اليومية.