Monitor

In Suid-Amerika gaan die ondersoeke na 'n verband tussen die gevreesde Zika-virus en mikrokefalie, of kleinskedelheid, steeds voort. Die Wêreld Gesondheidsorganisasie sê dit kan tot nege maande vir kenners neem om, of die verband sonder twyfel te bevestig, of verkeerd te bewys. Hier in Suid-Afrika is klein Naidine Smith in 2008 tydens geboorte met mikrokefalie gediagnoseer. Die siekte veroorsaak die vertraging van haar motoriese vaardighede. Volgens haar dokters het sy slegs 'n paar maande gehad om te lewe, maar sy is nou al amper agt jaar oud. Naidine se ouma, Hester Senekal, en 'n trustee van die Naidine Smith Trust het Naidine se storie met Dianke Nel gedeel.