Mar de ardora 02-03-2026

Había trinta anos que non se vendía tan pouco peixe nas lonxas galegas. É a consecuencia do tren de borrascas que nos sacudiu este inverno. David Fernández percorreu os portos para pulsar o estado de ánimo do sector. Entrevistamos a Xavier Pérez Cobas, autor dun informe que estima en 850 millóns de euros o valor que xera cada ano a frota galega de palangre de superficie. Tamén coñecemos un estudo que establece os patróns de desova da pescada ibérica. Presentámoslles a María Candamo, unha muradá que no seu obradoiro Lixo Atelier aproveita os refugallos que chegan ás praias para crear xoias artesanais. O noso biólogo de cabeceira, Xabier García Galdo, fálanos dos vermes mariños.