Purpose (Ikigai — ايكيجاي) الغاية و الهدف

في هالحلقة، أتكلم عن فكرة “الهدف” في الحياة… أو الPurpose، وكيف كثير مننا يحاول يلقاه كأنه شيء كبير وواضح لازم نوصله. لكن يمكن الحقيقة أبسط من كذا.

أشارك فكرة إن الهدف مو دائماً شيء نكتشفه مرة وحدة ونثبت عليه، لكنه شيء يتكوّن من الأشياء اللي تعطينا حياة يومنا، اللي تخلينا نحس إن في معنى، ولو بسيط. الأشياء اللي نحبها، نبدع فيها، ونحس إنها تقرّبنا من نفسنا أكثر.

وأتكلم عن فكرة إننا نقدر نبدأ نلاحظ “إيش اللي يرفعنا” وإيش اللي يطفينا، وإيش اللي يحسسنا إننا في مكاننا الصحيح. يمكن الهدف ما يكون مكان نوصل له، قد ما هو طريقة نعيش فيها ونختار فيها كل يوم.

إذا سبق وحسّيت إنك تايه أو تدور على معنى واضح لكل شيء، يمكن هالحلقة تعطيك زاوية أخف وأقرب للحياة نفسها.

تابعونا على: http://www.linktr.ee/arawithmthayel