Melville as toonbeeld van demokrasie

Die boheemse voorstad Melville in Johannesburg word deur sommige mense as die vergestalting van demokratiese ideale beskou. Dit is een van die min plekke in die land waar mense van verskillende oortuigings, rasgroepe en geloofstradisies reeds lank voor die afskaffing van apartheid in harmonie saamleef. Die 89-jarige Mienie Breedt woon sedert 1926 in die kosmopolitaanse smeltkroes.